කාලෙකට පස්සෙ වෙබ් සේවා ගැන ලියන එකෙන් මිදිලා මගේ ලයිෆ් එක ගැන ලියන්නයි මේ හදන්නේ. මගේ කීවට මේ අපේ ලයිෆ් එක ගැන, අපේ කීවේ මේ ඉස්කෝලෙ ලයිෆ් ගැන. 🙂

Share

ඉස්කෝලයක් ගත්තට පස්සේ ඒකෙ අධ්‍යයන වර්ෂයක් කොටස් තුනකට බෙදනවා නෙව, පළමුවැනි දෙවැනි සහ තුන්වැනි වාර විදියට. ඕකෙන් පළමුවැනි වාරේ ඉගැන්නීම කෙසේ වෙතත් වෙන වෙන වැඩ නං හරි හරියට කෙරෙනවා. හෝව් හෝව්, වරදවා වටහගන්න එපා, 😉 වෙන වෙන වැඩ කීවෙ මේ ස්පෝට් මීට්ස්, බිග් මැචස්, එක එක සංගම් වල අලුත් නිලධාරී මණ්ඩල පත් වීම් වගේ දේවල්. ඕවා දෙවැනි වාරේ මුල හරිය දක්වා දික්වෙලා යන්නෙ නැතිවමත් නෙවෙයි. ඕවා අතරේ ස්පෝට් මීට් එකකට කිසිම ලෙසකින් දායක වෙන්නේ නැති මට (ක්‍රීඩා කිරීම මගේ පොතේ නැත! 8-| ) වැදගත්ම එකක් වන්නේ එක එක ඉස්කෝල වලින් කරනා ඩේස් ය (y) . ඊළඟට වැදගත් වෙන්නෙ බිග් මැච් එක, ඒක ඒ ක්‍රිකට් නරඹන්න තියන මගේ පෞද්ගලික කැමැත්තයි Team|RCMweb එක වෙනුවෙං ඒක වෙබ් අවකාශේ හරහා ප්‍රචාරය කරන්න සහභාගී වීම මගේ වගකීමකුයි වන නිසා.

ඉස්කෝලවල්වල ස්පෝට් කරන කෂ්ටිය ස්පෝට් මීට් එකට මහන්සි වෙන අතරේ, ස්පෝට් නොකරන මම වගේ කෂ්ටියට ඔය හම්බවෙන නිදහස් කාලේ වෙන වැඩකට යොදාගන්න පුළුවන් වෙනවා. ඒක තමයි ඔය මම කලින් කියපු ඩේස් සංවිධානය කිරීම. ඉතින් ඉස්කෝලවල ස්පෝට් මීට් සීසන් එක අතරදිමයි මේ කියන Days සීසන් එක පටං ගන්නේ කීවොත් එය බොහෝදුරට නිවැරදියි.

ඔන්න ඔයවගේ අපේ මාතර ඉස්කෝල සෙට් එකෙත් දැං ඩේස් එකින් එක සංවිධානය වෙමින් පවතින්නේ. කරුමෙක මහත, මාතර ඉස්කෝල අතරින් 2010 අවුරුද්දට පළවෙනියටම ඩේ එකක් කළේ මහා එපා කරපු ඉස්කෝලයක් වන අපේ අසල්වැසියෝ හෙවත් සුජාතා විද්‍යාලය :O . ආයි අහන්න දෙයක් නෑ, මේපාර මාතර ඉස්කෝලවලට හරි අපල කාලයක් උදාවෙන්න යන්නේ! (nod)

ඒ කෂ්ටිය වැඩේට බැස්සේ “Vithma 2010” හෙවත් ඒ ගොල්ලොන්ගේ මැත්ස් ඩේ එකෙන්. ඔය “Vithma” කියන එකේ තේරුම “Vission Through Mathematics” කියනව නෙ. අපි නොදන්න ඒ ගොල්ලැයි විසොං එක, ඕව කීවනං හොඳා කොන්ඩෙ බැඳපු මැලේසියන් කාරයෙකුට (අපි චීන අයියලට මොනවත්ම කියන්නෙ නෑ, දැං චීනො හරි හොඳයි නෙව! 😀 )!

ඕක තිබ්බේ 22වෙනිදා, ඒ කියන්නේ පහුගිය අඟහරුවාදා. එදා උදේ අටාමාරට විතර අපි පාද යාත්‍රාවෙන් අරහෙට ගියැයි කියමුකෝ (සැයු: වාහනේකිං යාමට තරං දුර නොවේ! 😛 ). අපේ එවුංම ඇවිල්ල ඉන්නවා හැත්තෑව අසූවක් විතර, අනිත් ඉස්කෝලවල එවුං නං එකකිං විස්සක් විතර තමා හිටියෙ. අනේ ඉතිං, අපේ එවුංටත් හොඳට ඕන! (!@#$) ගත යුත්තකුත් නෑ, ඒ උනාට අර මොක්කුංද එවුං ටික වගේ මේක අස්සෙ රිංගන්නමයි බලං ඉන්නෙ, පිස්සු යක්කු! :S

අපි යනකොට පොඩි කෂ්ටිය පිට්ටනියට බැහැලා උංගෙ ස්පෝට් මීට් එකේ සරඹ සංදර්ශනේට පුරුදු වෙනවා. අපිට අත වන වනා එහාට දුවනවා මෙහාට දුවනවා, පස්සෙ තමයි අපේ එකෙකුට තේරිලා තිබ්බෙ අත වනන්නෙ අපිට නෙවේ උංගෙ සංදර්ශනේ කෑල්ලක් බව. කොහොම වෙතත්, මගේ නිරීක්‍ෂ අනුව ඒ පිට්ටනියට සීයක දෙසීයක විතර මීහරක් රංචුවක් දැම්මත් අච්චර අවුල් ජාලාවක් වෙන්නෙ නෑ! 😀

කොහොම උනත්, අපි ගේට්ටුවෙන් ඇතුලට ගියාට පස්සෙ බිම බලාගෙන සංසුන් ගමනින්න ගිහිල්ලා මේන් හෝල් එකේ පනවල තිබ්බ අසුන්වල වාඩි උනාය කියමුකෝ, ආ තව අපි ඇතුලට යනකොට ෆයිල් කවරෙකුත් දුන්න නෙව, ඕකත් අරං ගිහිං වාඩි උනා. ඊළඟට ඉතිං උංගෙ බොරු ෂෝ ටිකයි, මෙලෝ යකෙකුට අහං ඉන්න බැරි සිංදුවකටයි පස්සේ දේශනේ පටාං ගත්තා. දේශකයා තමයි කොළඹ විශ්ව විද්‍යාලේ ගණිත දෙපාර්තමේන්තුවේ ආචාර්ය W. රාමසිංහ. දේශනේ නං අවුලක් නෑ, මටයි අපේ ගොඩක් දෙනෙකුටයි හොඳට තේරුනා 😉 !

දේශනේ ඉවර උනාට පස්සෙ කන්න දුන්නා රෝල්ස් එකයි කිරි පැකට් එකයි, මදි ඕයි, මේ යකෙක් කන්න බඩගින්නේ ඉන්න වෙලාවේ ඕව කාලා අපි **** ද? කන්න දුන්නු වෙලාව නං ටිකක් පරක්ක උනා, අනිත් ඒවා නං මම ඔය උඩ ලියපු තරංම චාටර් එකට තිබ්බෙ නෑ 🙂 . වැඩේ හොඳයි, නරක නෑ.හැබැයි අතරමග සිංදු කියන්න ගිහිල්ලා නං ඇණගත්තු බව කියන්න ඕන. උංගෙ මේන් හෝල් එකේ සවුන්ඩ් සිස්ටම් එකට වඩා හොඳ ඒවා ඔය සමහර ත්‍රීවීලර්ස්වල තියනවා!

ඕකෙ කරපුව ඉතිං හැම එකම මේකෙ ලියන්න බෑ, වැඩේ ඉවර වෙලා අපි ගෙදර එන්න ආවා. සමස්ථයක් හැටියට වැඩේ අගය කරන්න පුළුවං බව සඳහන් කරන්න ඕන.

අපිට සෙට් උනු ඊළඟ ඩේ එක තිබ්බේ අද, ඒ කියන්නේ 26 වෙනිදා. ඒක තමා වැලිගම ශ්‍රී සුමංගල බාලිකා විද්‍යාලයේ ගණිත දිනය. මේ ගර්ල්ස්කූල්වලට අපිව මතක් වෙන තරම, අනේ වාසනාවන්! 😉 ඔය කලිං කීව එක වගේ නෙවේ, මේ කියන ඉස්කෝලෙට මම කවදාවත් මීට කලින් ගිහිං තිබුනෙ නෑ. මම විතරක් නෙවේ, අපේ බහුතරය එහෙමයි. මේකට යන්න අපේ කෂ්ටිය සෙට් වෙන්න තවත් කාරණයක් තිබ්බා. මාතර පැත්තේ පියෝ මැත්ස් දෙයියා වන අපේ කපිල පටබැඳිගේ සර් අවුරුදු 26ක් තිස්සෙ රාජකාරි කරන ඉස්කෝලෙ තමයි මේක, ඉතිං නොගිහිං කොහොමද? අනික මේකෙ දේශනේ කරන්න එනව කියල තිබ්බෙත් සුජාතෙ මැත්ස් ඩේ එකට ආපු ආචාර්ය රාමසිංහමයි. මේ මැත්ස් ඩේ එකේ නම ඇවිල්ලා “සුසංඛ්‍යා නැණසර” 🙂 දේශනය නම් සුජාතේ කරපු එකේ මොඩිෆයිඩ් වර්ෂන් එකක් වගේ තමා.

ඒ මැත්ස් ඩේ එකේ අගය කරන්න ගොඩක් දේවල් තිබ්බා. තාක්‍ෂණික දෝෂ වුනත් අනිත් එකට වඩා ඉතාම අවමයි. අනවශ්‍ය සැරසිලි විකාර වලට වියදම් කරන්නේ නැතිව අත්‍යවශ්‍යදේ සම්පූර්ණයෙන්ම හරි ආකාරව සංවිධානය කරලා තිබ්බා. ඉදිරිපත්කරනු ලැබූ වින්දනාත්මක අංග වලට ඇතුලත් වුනු ගායන හා නර්තන ආදී අංග වලත් මනා කැපවීමක් ඇතුව කළ බවට දැකගන්න පුළුවන් වුනා.

කලින් ගියපු මැත්ස් ඩේ එක අපේ කෂ්ටියට ජෝක් එකක් වෙන්නත්, මේක සිරා වෙන්නත් හේතුව හැමදාම දකින කුකුලගේ කරමලේ සංසිද්ධියද එහෙම නැත්නම් ඇත්තටම යම්කිසි හේතුවක් තිබුනු නිසාද කියන එක පොඩ්ඩක් කල්පනා කරලා බලන්න වටිනවා. 8-|