Empire Avenueකැමතිද ඔබේ කොටස් විකුණන්නයි ඔබේ යාළුවොන්ගේ කොටස් මිලට ගන්නයි? හෝව් හෝව්! බය වෙන්න එපා… මිනිස් ශරීර කොටස් විකුණන බිස්නස් එකක් ගැන නෙවේ මේ කියන්න යන්නේ. මේ කියන්නේ ඔබේ මිතුරන්ගේ කොටස්, සිංහලෙන් කීවොත් “ෂෙයාස්” ගන්නයි ඔබේ ෂෙයාස් විකිණිමයි පදනම් කරගත් අන්තර්ජාල ක්‍රීඩාවක් පිළිබඳව. එහෙම නැත්නං ඔන්ලයිං වර්චුවල් ෂෙයා මාකට් ගේම් එකක් ගැන.

Recommended Influencersඔන්න ඔන්න… ගේම් එකක් කීව ගමං කලබල වෙන්න එපා. මේක මේ එක දිගට පැය ගාණක් නාස්ති කරං කරන්න ඕන ක්‍රීඩාවක් නෙවෙයි. මේ ක්‍රීඩාවේ පදනම වෙන්නේ අපේ ඔන්ලයින් ක්‍රියාකරකම් අනුව අපේ “කොටස්” වලට මිලක් නියම කිරීමත්, අනෙක් අයට අපේ කොටස් මිලට ගන්න අවස්ථාවක් ලබා දීමත්, ඒ මිලදී ගන්න අයට අපේ ඔන්ලයින් ක්‍රියාකාරකම්වල ප්‍රමාණය මත ලාභාංශ ලබා දීමත්. අපේ කොටස් අනිත් අය ගන්නවා වගේම අපිටත් පුළුළුන් අනිත් අයගේ කොටස් සල්ලි දීලා ගන්න.

ආපහු බය උනාද? බය වෙන්න එපා.. මේ සල්ලි කියන්නේ ඇත්ත ලෝකේ සල්ලි නෙවෙයි. මෙම Empire Avenue ක්‍රීඩාව තුළ වටිනාකම් නිරූපණයට භාවිතා වන ඒකකය. ඒ ඒකකය හඳුන්වන්නේ “Eaves” කියලා, සංකේතය “e”.

ඉතිංන් කොහොම හරි අපි අනිත් අයගේ කොටස් සල්ලි දීලා ගත්තම, ඒ ඒ අයගේ ඔන්ලයින් ක්‍රියාකාරකම් වල ප්‍රමාණාත්මක හා ගුණාත්මක භාවය මත අපිට දවසකට වරක් ලාභාංශ හම්බු වෙනවා. ඒ හම්බවෙන්නෙත් Eaves ම තමා, ඒවයින් අපිට ආපහු තවත් අයගේ කොටස් ගන්න පුළුවන්. ඒ ඇරුණම, අපේ කොටස් කවුරුහරි මිලට ගත්තමත් ඒ සඳහා අපිට Eaves වලින් ගාණක් හම්බ වෙනවා.

Portfolio Value

අපි දැනගන්න ඕන හොඳ ගුණාත්මක අන්තර්ගත නිතර නිතර අන්තර්ජාලයට එකතු කරන අයගේ කොටස් වැඩි වැඩියෙන් මිලට ගන්න. එතකොට තමයි අපිට ලැබෙන ලාභයත් වැඩි වෙන්නේ.

Empire Avenue තුළදී අඳුරගන්නා අය ගොඩක් වෙලාවට අපිට ගොඩාක් සමානකම් තියන අය. ඉතිං කාලයක් ගියාට පස්සේ Twitter, Facebook වගේ වෙනත් සමාජ ජාල දක්වාම මේ මිතුරුකම් පතුරුවා ගන්න පුළුවන්.

අපේ Twitter, Facebook ගිණුම් වගේම, අපේ බ්ලොග් පවා Empire Avenue වෙත සම්බන්ධ කිරීමෙන් අපිට පුළුවන් ඒ ඒ ස්ථාන වලදී අපි කරන ක්‍රියාකාරකම් අපේ වටිනාකම ඉහළ යන්න උපකාර කරගන්න.

මේකෙ තියන හොඳම දේ තමයි අපි කොච්චර බලපෑමක් අපේ Twitter, Facebook, YouTube මිතුරන් මත හා අපගේ බ්ලොගයන්වල කියවන්නන් මත ඇති කරනවාද කියන දේ බලාගන්න පුළුවන් වීම. වෙනත් විදියක කියනව නම්, අපේ ඔන්ලයින් මිතුරන් අතර අපි කොච්චරක් වැදගත් චරිතයක්ද, අපි කියන කරන දේවල් කොච්චර පිළිගැනීමකට ලක් වෙනවාද කියන එක පිළිබඳව අදහසක් මේකෙං ගන්න පුළුවන්!

Share Price

Empire Avenue එකේ CEO ඇව්ල්ලා දුලීප විජයවර්ධන කියලා ලංකාවෙ පොරක්. එයා එක්ක Digit Magazine එක කරපු පොඩි සාකච්ඡාවක් http://digit.lk/10_july_empire_avenue වලිං බලාගන්න පුළුවන්.

මේකට දවසට විනාඩි 15ක් වැය කිරීම කොහෙත්ම පාඩුවක් නෙවෙයි.

මෙන්න ඇඩ්ඩස්සෙක: http://empireavenue.com/

ඔබතුමාලා Empire Avenue එකට එන්ටාර් උනොත් මගේ ෂෙයාස් ගන්නත් අමතක කරන්න එපා. මගේ ticker එක ඇව්ල්ලා BUDDYJ නැත්තං කෙලිංම මගේ ප්‍රෝෆයිල් එකට එන්න පුළුවන්.

මගේ ප්‍රෝෆයිල් එකේ ඇඩ්ඩස්සෙක: http://www.empireavenue.com/buddyj

ඉතිං මොකද Empire Avenue ගැන හිතෙන්නේ? වැඩේ හොඳයිද? ලංකාවෙ පොරක්ගෙ වැඩක් නිසා මැක්සාද? නැත්තං කොහොමද?